სალამი სტუმარო!
შესვლა რეგისტრაცია
Stadioni.ge - საფეხბურთო საიტი
ავტორი: Lampard [108 წამი] დაამატა: (13 მაისი 2022 - 18:58)
პრემიერ ლიგამ 8 ფეხბურთელისგან შემდგარი სია გამოაქვეყნა, რომლებსაც სეზონის საუკეთესო მოთამაშის ჯილდოს მოგების შანსი აქვთ. ინგლისელთა რჩეულებმა და მათმა გადაწყვეტილებამ ქომაგთა დიდი კრიტიკა დაიმსახურა, რადგან ნომინანტებს შორის სადიო მანე და კრიშტიანუ რონალდუ არ არიან.
პრემიერ ლიგის საუკეთესო ფეხბურთელის ჯილდოს მოგების შანსი მოჰამედ სალაჰს, კევინ დე ბრუინს, ტრენტ ალექსანდერ-არნოლდს, ჯეიმს უარდ-პრაუსს, ბუკაიო საკას, ჟოაუ კანსელუს, ჯეროდ ბოუენსა და სონ ჰიონ-მინს აქვთ. გულშემატკივრებს თავიანთი რცეულისთვის ხმის მიცემა ორშაბათამდე შეუძლიათ. ხმის მიცემის დასრულების შემდეგ, გამოკითხვა პრემიერ ლიგის კაპიტნებს შორის ჩატარდება და საკუთარ პოზიციას საფეხბურთო ექსპერტებისგან შემდგარი პანელიც დაასახელებს, გამარჯვებულის ვინაობა კი სწორედ ამის შემდეგ გაირკვევა.
რონალდუსა და მანეს რაც შეეხებათ, პორტუგალიელ შემტევს მიმდინარე სეზონში თვის საუკეთესო ფეხბურთელის ჯილდო ყველაზე მეტჯერ აქვს მოგებული და 30 შეხვედრაში 18 გოლი გაიტანა, მაგრამ საუკეთესოთა შორის მაინც ვერ მოხვდა. მანემ 33 მატჩში მეტოქეთა კარი 15-ჯერ აიღო და მისი გუნდი ბრწყინვალედ ასპარეზობს, თუმცა „ლივერპულიდან“ სალაჰი და ტრენტი გამოარჩიეს.
სხვათა შორის, პრემიერ ლიგის გადაწყვეტილებასთან დაკავშირებით, ერთ-ერთმა ქომაგმა იხუმრა და განაცხადა, რომ რონალდუ ალბათ, დარტსს თამაშობს, თორემ რჩეულთა შორის აუცილებლად მოხვდებოდა.
„ყველა ამ სპეციალისტის წინააღმდეგ, როგორებიც ბერბატოვი, ევრა და ზეედორფი არიან, მითამაშია. არ შემიმჩნევია, მათ მტკიცე და ძლიერი ხასიათი ჰქონოდათ, როცა ბარსელონასთან ერთად, ჩემპიონთა ლიგის ფინალში ვანადგურებდით. რეალთან 1 წუთში ორი გოლი გავუშვით. როცა ორი მომენტი გაქვს და ვერც ერთს ვერ იყენებ, საქმე ხასიათში ნამდვილად არაა. პრემიერ ლიგის ბოლო 5 თამაშში ბრწყინვალე ხასიათით 22 გოლი გავიტანეთ.“
შეგახსენებთ, რომ „რეალთან“ წაგების შემდეგ, ევრამ განაცხადა, რომ გუარდიოლას ძლიერი ხასიათის მქონე ფეხბურთელების გაწვრთნა არ შეუძლია, ლიდერის თვისებების მქონე მოთამაშეები კი გუნდში არ სჭირდება. ბერბატოვის განცხადებას რაც შეეხება, მან „სიტი“ პატარა გუნდს შეადარა, რომელსაც სუსტი მენტალიტეტი აქვს.
გეტყვით იმასაც, რომ გუარდიოლას „ბარსელონამ“ „მანჩესტერ იუნაიტედს“ ჩემპიონთა ლიგის ფინალში 2-ჯერ სძლია - 2009 და 2011 წლებში. ევრამ ორივე მატჩში მიიღო მონაწილეობა, ბერბატოვმა კი პირველი შეხვედრა ჩაატარა.
« უკან. (5 из 3185) წინ. »
რეიტინგი: 2
[* 0] [* 0]
გაზიარება:
კომენტარები
ცარიელია


მთავარი | ფორუმი | რეგისტრაცია
© stadioni.ge 2009 - 2022 [13]

top.wapforum.ge