Stadioni.ge - საფეხბურთო საიტი
სალამი სტუმარო!
Stadioni.ge - საფეხბურთო საიტი
* სიახლეები | Lampard | ანჩელოტი: ეს ბერმუდის სამკუთხედია, რადგან ბურთი მათ შორის მოხვედრისას ქრება
Avatar ავტორი: * Lampard [OFF] ( 31 ივლისი 2022 - 20:36)
ნახვები: 1
კარლო ანჩელოტის გუნდმა წინასასეზონო მზადებისას პირველი მატჩის მოგება შეძლო. „რეალმა“ აშშ-ში „იუვენტუსს“ 2:0 სძლია. გოლები ბენზემამ და ასენსიომ გაიტანეს.

შეხვედრის შემდეგ, კარლო ანჩელოტიმ პრესასთან ისაუბრა და გუნდის მდგომარეობა შეაფასა.

„გუნდის მდგომარეობას და ბალანსს დადებითად შევაფასებ, რადგან ტრავმები არ გვქონია, მხოლოდ კარვახალს ჰქონდა მცირე პრობლემა და ის უკვე მზადაა. ეს იყო კარგად შესრულებული წინასასეზონო სამზადისი. დღევანდელი თამაში უნდა შევაფასოთ. დარწმუნებულნი ვართ, რომ უეფას სუპერ თასის მოგებას შევძლებთ.

ახლა რამდენიმე დღეს დავისვენებთ და შემდეგ, ჩვეულებრივ მუშაობას განვაგრძობთ.

აშშ-ში დიდებული დახვედრა მოგვიწყვეს. მე-14 თასის ეფექტი ჯერ კიდევ ცოცხლობს. თქვენ შეგიძლიათ რეალის გულშემატკივრები მსოფლიოს ნებისმიერ წერტილში იპოვოთ.

ნახევარდაცვის უცვლელი ტრიო? კროოსს, კაზემიროსა და მოდრიჩს ბერმუდის სამკუთხედს ვუწოდებ, რადგან მათ შორის გავლისას ბურთი ქრება.

ბარსელონას ტრანსფერები? ისინი ფანტასტიკურ გუნდს ქმნიან. ამჟამად ჩემს გუნდზე ვფიქრობ და ვერ ვიტყვი, რომ სანერვიულო მაქვს. ბარსა კონკურენციის გაწევას აპირებს. მათი სატრანსფერო დანახარჯებით გაკვირვებული ვარ? არა, ფეხბურთში აღარაფერი გამაკვირვებს...

ამბობენ, რომ ანჩელოტის გუნდები მეორე წლიდან ვარდნას იწყებენ? სტატისტიკა გეტყვით თქვენ, მაგრამ ყოველ შემთხვევაში მე ეს არ ვიცი. ამ სეზონისთვის მოტივაცია გვაქვს, რომ კარგად გამოვიდეთ“.

« უკან. (9 სულ 3457)
წინ. »
გაზიარებულია: (0)
* (0) *
სოც ქსელები:
კომენტარები: (0)
კომენტარები არ არის
* სიახლეები | Lampard | ანჩელოტი: ეს ბერმუდის სამკუთხედია, რადგან ბურთი მათ შორის მოხვედრისას ქრება